MORAU ANDUDU BISA

Morau hortina andudu hewan buruan, carana andudu makai alat sobu anjuk terompet. Suara sai kadongian porsis suara menjangan. Memang istilah morau lobih tepat ditujuko untuk persoalan andudu menjangan. Alat morau diguwai jak gudu kicap ti toktok rua, akuk bagian potongan dunggak sai uwat bangukna. Banguk gudu sina tijuki "lidah palastik".... mae ya bubunyi basa tisobu.
Bunyi sai kadongian... hooorrrrkk, .... hooorrrrk. Basa didongi manjangan bakas, pangrasana suara menjangan bay sikor andudu ngajak kahwin. Tumpak menjangan bakas gancang lapah modok. Sikorna modok .... lajuda timbak, ".... caloguuumb !" Mon ya kok tilokap, ompai tisambolih galahna.
Anying ina jaman paija lokok bibas, mon ganta mak dapok lagi nimbak sahaga-haga hadot manjangan lom pulan tiuh kita speciesna bukurang, jadi porlu kaunyin iwari miyot anjago kelestarianna mae generasina mak bola.