S.M.S MAK MAKAI TANDO KOMA

Jhony Combo ... ko uni mak mulang tiuh, ya ngarantau di kota metropolitan bolasan tahun ngadu nasib makai ijasah esde. Hurik mak tamtu... kadang mongan, kadang makwat. Kadang mongsa duit, anying risokda "tongpes" alias mak siduit. Bakdu uni mak mulang tiuh, ya dilohotko indokna dang mak mulang pay hadot indoksa ko gayah, galang hatina munih ngaliak Jhony Combo makkung buanggoman. Ompaina cakaq maranai paija, Jhony Combo konjak butika-tika kagaduh anggoman cindo, handak langgar, buwok halom tijang, hirung rik dagu lancip, pandai bugorok, rajin bubasuhan... sukur-sukur munih terampil bu kobun. Sinada tika-tikana sai ko dikapandai tan indok. Walhasil sopok dija-dudo, bu minggu liba hulu nindai... akhirna pahalu calon sai pocakna memenuhi harapan.... tolah mouli sina Gadiz Oon. "Sija numur hapi-na... kintu niku haga SMS", cak indokna pas Jhony Combo ompai tungguk ditiuh. Lom hatina... " indoksa ko haga nihan mongsa mantu". Tapak jak dijuki indok numur hapi sina ... Jhony mula'i sms, ngarayu, janji sihaluan dsb. Mih sangrobok tian ko pocak akrab, mouli lugu pahalu maranai pandai ngarayu, risokna bukalakar munih... jadi cocok nihan. Suatu saat kok podok waktuna ngalamar, Jhony nge-SMS supoja : "aeh dindoku yayank alangke lemaknyo mon awaktu jadi ngan aku. Tukang cuci awak ado. Tukang masak awak ado. Tukang sapu awak ado". Gadiz Oon... tisongil ambaca sms sina, pangrasana mon jadi anggoman si Jhony bakal hurik bangik, ... tukang cuci kok uwat, tukang masak kok siap, tukang sapu kok tisadio... oeeey bangik ija. Mula tapak jak sina ya sara yakin di si Jhony dan mak ragu narima pinangan sampai akhirna tian jadi rua mihngot berumah tangga dan diusung Jhony hurik di Metropolitan. Anying basa ko tolu bulan hurik dikota, mula'i si Oon bu koluh-kosah... "mano pembantu pembantu kitoni qyai ?" cakna butanya. "Dulu ngatoka diaku tukang cuci, tukang masak, tukang sapu awak ado !... mano, mano qyai awakni ngotak'i aku be !" cawana luot dalih miwang. "dheq ... qyai ni dak ngotak'i, qyai ngomong apo adonyo cuman awaktu yang sala tangkep !. Tukang sapu awak ado... maksud qyai, ... awaktu yang jadi tukang sapunyo, paham daq awakni ?!". "Paham... paham qyai !... hicks.... hiks.... hiks Bubiduk diway doros, Timbana bawak joring. Alang saro butodos, Badan rasa ga maring ..... cakna dalih bolas-bolus miwang.