KOBOK TULOKKO JUGA

Dikala musim hujan lamon kamincak rik anak-anakna bukumpul di bah batang nyiwi mak jawoh jak lobung. Kumpulan kamincak sudo bokahkona ngadako acara adu halau halau dalih cakaq batang nyiwi laju guk uncuk pangpang nyiwi sai paling langgar.
Kamincak barih tuha-ngura, balag-ronik jama-jama bukumpul ngahayak batang nyiwi haga nyaksiko…. ngaliak perlombaan dalih ngonjuk semangat…. manas-manasi kamincak sai sikor ga buadu.
Kamincak hujau kok andogung-dogung bubunyi, ngonjuk tando perlombaan kok dimulai...

Kaunyin kamincak sai nonton dalih mojong cukcuk sudo …. maongka sai yakin bahasa anak-anakan kamincak sina uwat sai gogah, kuat ancapai uncuk batang nyiwi.
Mula-i kadongian penonton busuara : "Ouii, butakad nyiwi sudo saroo .. !!”, Kamincak barih munih ngumung : “Tian ja mak bakal kuat cakaq batang nyiwi liyut sapoja laju tungguk dunggak." Barihna munih ngumung hoda : "Mak mungkin kutina pacak berhasil…. batang nyiwi sija langgar ga...!! Kamincak-kamincak ronik mula-i bukatiak nyanga-sanga bungkalna.....

..... Tinggal tolu nga bungkal sai totop busamangat cakaq batang lambat-lambat torus cakaq, laju guk unggak, … guk unggak sara langgar, …. sara ngalanggar.

Kamincak sai mih nonton…. munih mak buhodak butopuk, dalih komentar : "Alang saro ina !!! Kutina kok kalosuan… mak mungkin ga berhasil !"

Rua lagi kamincak ronik sina kalosuan nihan jaksan nyorah... Anying uwat sanga bungkal sai totop tahan ngalanjutko butakad nyiwi sara langgar …. ya mak nyorah !

Bak sai barih kok nyorah kaunyin, kecuali sanga bungkal kamincak ronik sina sai radu buijo kuat akhirna ya sai berhasil tungguk di uncuk pangpang nyiwi.
Kaunyin kamincak barih haga marikah …. bakna kamincak sija pacak butakad laju tungguk pangpang nyiwi paling unggak ?
Sanga bungkal kanca-na amit butanya…. sunipa cara mari buhasil mongsa kakuatan untuk tungguk ditujuan ?
Bokah kona ... Kamincak sai monang sina TULOK….. cuping-na mak pacak andongi suara.

Mon ga sukses ngalosaiko gawi badan, dang risok andongiko komen hulun. Risok komen hulun ngaringamko bugawoh. Badan porlu Kobok tulok juga icak icak mak andongi. Api sai tika-tika losaiko laju tuntas. Sinada.
 <div id="fb-root"></div> <script>(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/id_ID/all.js#xfbml=1"; fjs.parentNode.insertBefore(js, fjs); }(document, 'script', 'facebook-jssdk'));</script>
<div class="fb-post" data-href="https://www.facebook.com/video.php?v=1359434670985" data-width="466"><div class="fb-xfbml-parse-ignore"><a href="https://www.facebook.com/video.php?v=1359434670985">Kiriman</a> oleh <a href="https://www.facebook.com/pages/S%C4%B0GORTACI/43646381330">SİGORTACI</a>.</div></div>